فشة خلق_ بقلم نهاد السيد عيسى

فشة خلق …
و الله نحنا المغتربين عن سوريا .. اكلناها من جميع الجهات ..
لا نلنا لا عنب الشام و لا بلح اليمن ….
اشتغلنا كل هالسنين الطويلة .. بعيدين عن بلدنا و اهلنا و اللي مات ابوه و اللي توفت امه بغيابه و ما شافها .. وكتير حتى ما قدروا يودعوهن ..
كله مشان نعمل بيت و قرشين نرجع فيهن مستورين عالبلد ..
لك حتى ولادنا ذاكرتهن غريبة و ما الها اي علاقة بشي اسمه وطن . بس اللي نحنا منحكيلهم ياه .. و كتير احيان بتزعل لانو ما بيشبهوك بعلاقتن ببلدهن ..
طلعنا هلأ .. لسه الغربة رح تاكل من عمرنا سنين .. و مين داري اديش رح تمتد هالسنين ..
احلامنا كانت كتير بسيطة …
لك حتى احلامنا البسيطة ما عم نقدر نعيشها ….
كنا نحضر للاجازة قبل اشهر و نستناها بالدقيقة .. وين هلأ يا حسرة ..لوين بدنا نروح ما منعرف , ما في شيء بيغني عن اهلك و بلدك و اللمة الحلوة
فشة خلق .. و النا الله